Enpresa berritzaileen galeria

ADVANCED OPTICAL TECHNOLOGIES S.L.

Sektorea: Industria eta lotutako zerbitzuak

• Elikadura-ekoizpen eraginkorragoa eta iraunkorragoa lortzeko soluzio fotonikoak diseinatzea eta garatzea.

Elikagaien ekoizpen iraunkorragoa lortzeko helburuarekin, balio-kate osoaren eraginkortasuna eta produktibitatea handitzen laguntzen diegu enpresei, produktuaren kalitatea, trazabilitatea eta homogeneizazioa kontrolatuz, elikagaien industriaren 4.0 digitalizazioaren eta eraldaketaren bidez.

ZERBITZUAK:

Testuinguru horretan, AONIR plataforma garatu dugu. Plataforma horrek bi osagai nagusi ditu: alde batetik, infragorri hurbileko espektroskopian oinarritutako sentsore optikoak (NIR), eta, bestetik, IoT plataforma bat, elikagaien kalitatearekin lotutako alarmak eta txostenak biltegiratzeko, bistaratzeko eta sortzeko.
AONIR sentsoreek elikadura-produktuen parametro bereizgarrienak eman ahal izango dituzte linean eta denbora errealean, hala nola gantz, proteina, hezetasun, laktosa eta abarren ehunekoak. Sentsore horiek kontaktuarekin lan egiteko gai dira, bai hodietan, gordailuetan edo toberetan instalatuta, bai kontakturik gabe, uhal garraiatzaileetan. Halaber, garrantzitsua da aipatzea produktu mota desberdinak ezaugarritzeko balio dutela, hala nola likidoak, hautsak, solidoak eta masak, besteak beste.

Bestalde, AONIRen bertsio eramangarria garatzen hasi gara, kalitatea eta at-line trazabilitatea kontrolatzeko aukera emango duena.

Plataformak emandako datuen osotasuna ziurtatzeko, Blockchainteknologiaren integrazioa ikertzen ari dira.

Sariak:
• 2022 OnBizkaia saria enpresa berritzaileak sortzeko proiektuari.
• 2020 Abiatu 2. saria, Oinarri Teknologikoko Unibertsitate Enpresak.

Azelerazio-programa hauetan parte hartu dugu:
• 2022 EIT FOOD Accelerator Network
• 2022 BFFOOD Sendotzea
• 2021 BIND 4.0
• 2021 BFFOOD Azelerazioa

Gaur egun ingelesez eta gaztelaniaz egiten dugu lan.