Nekazaritza digitala

Euskal nekazaritza-sektorea digitalizatzen laguntzeko zerbitzua

Eusko Jaurlaritzaren Ekonomiaren Garapen, Jasangarritasun eta Ingurumen Saileko Nekazaritza Zuzendaritzak, Hazi Fundazioaren bitartez, "Nekazaritza Digitala" programa gaitu du

Programa honen helburu nagusia da euskal nekazaritza-sektoreko digitalizazioaren eremuan dauden oztopo teknikoak eta ezagutza-oztopoak ezabatzea edo murriztea, bai eta digitalizazioa eta datuen erabilera sustatzea ere, haren garapena bultzatzeko.

Programa horren barruan, euskal nekazaritza-sektorea digitalizatzen laguntzeko zerbitzu bat dago, honako bide hauen bidez heldu daiteke haiengana:

Zerbitzuaren helburua da digitalizazioaren arloko kontsultei erantzutea eta oinarrizko gorabehera teknikoak ebaztea, euskal nekazaritza-sektoreari zuzendutakoak.

Zerbitzu horren bidez, honako hauek egingo dira:

• Euskal Autonomia Erkidegoko Administrazio Publikoaren izapidetze elektronikoari eta identifikazio elektronikorako baliabideei buruzko guztian laguntzea.
• Euskal administrazioek gaitutako nekazaritza-ustiategiei zuzendutako digitalizaziorako laguntza-ildo nagusiei (laguntzak) buruzko orientazioa ematea.
• Eusko Jaurlaritzak eta bere eremuko erakunde publikoek bultzatutako euskal nekazaritza-sektoreari zuzendutako digitalizazioari buruzko prestakuntzaikastaroen berri ematea.
• IKT tresnen “oinarrizko” gaietan laguntzea.
• Laguntza aurreratua jasotzea, aholkulari teknologikoen talde baten bitartez, aurkezten zaizun behar edo aukera bakoitzerako teknologia aproposak egokitu eta hautatu ahal izan ditzazun.