Gasteizko Abastos Merkatuak, Eusko Jaurlaritzaren Turismo, Merkataritza eta Kontsumo Sailaren laguntzarekin, Hurbileko Elikagai Merkataritzako Ekintzailetza Txapelketa 2026 jarri du martxan, Araban talentu gaztea hurbileko merkataritzarekin lotzeko ekimen berritzaile bat.

Batxilergoko, Lanbide Heziketako eta Unibertsitateko ikasle-taldeek parte har dezakete, baita Arabako Lurralde Historikoko ekintzaile gazteek ere. Proposamenek hainbat gai landu ditzakete: merkataritzaren digitalizazioa, iraunkortasuna, bertako produktua, gastronomia, bezeroaren esperientzia edo merkatuaren eredu berriak.

Txapelketak 3.000 € banatzen ditu sarietan (1.500 €, 750 €, 500 € eta 250 €-ko aipamen berezia), eta gainera, laguntza profesionala, formakuntza eta ikusgarritasun instituzionala eskainiko die talde irabazleei.

Taldeen izen-ematea zabalik dago urriaren 15era arte. Informazio guztia, oinarriak eta izen-emateko formularioa www.mercadoabastos.eus helbidean daude.

HAZI, Bic Araba, Arabako Merkataritza Ganbera, Arabako Foru Aldundia, Gamarra LHII Ostalaritza, Egibide, TKNIKA, Corazonistas Ikastetxea eta EHUren laguntzarekin.