Enpresa berritzaileen galeria

Data Value Management

Sektorea: Informazioaren teknologia, informatika

Atera etekina zure datuei

Adimen Artifizialeko eta Analitika Aurreratuko tekniken bidez, datuen ustiapena ahalbidetzen duten aplikazioen garapenean espezializatutako konpainia.

ZERBITZUAK:

Data Value Management-ek datuak ustiatzeko aukera ematen duten aplikazioak egiten ditu, honako helburu hauek lortzeko:

1. Datuak, erabakiak hartzeko prozesurako informazio garrantzitsu bihurtzea. Horri esker, prozesuei eragiten dieten funtsezko aldagaiak, maila kritikoak, aldaketa baten eragin marjinala eta espero den eragina ezagut daitezke.

2. Iragartzeko sistemak garatzea. Sistema horiei esker, etorkizuna zehatz-mehatz ezagutzea lortzen da, etorkizuneko egoerei aurrea hartzeko eta lortu nahi den emaitza lortzea ahalbidetuko duten ekintzak egiteko aukera emanez.

3. Atazen automatizazioa (RPA). Sistema horien bidez, ataza mekanikoak eta errepikakorrak automatikoki software batek egitea lortzen da, pertsonei balio erantsi handiagoko zereginetan denbora erabiltzeko aukera ematen

4. Datuak bistaratzea. Azken zerbitzu horri esker, konpainiek erraz eta arin kontsulta ditzakete datuak, negozioan gertatzen ari denari buruzko ezagutza handituz.

Data Value Management Arabako start-up bat da, 2019an sortua. Konpainia adimen artifizialeko eta analitika aurreratuko teknikak integratzen dituzten aplikazioen garapenean espezializatuta dago, eta horri esker, bezeroek beren datuak ustiatu ahal izango dituzte.

Sortu zenetik, proiektu ugari egin ditu bezeroentzat industria-eremuan, eta horrez gain, ekintzailetza bizkortzeko eta laguntzeko programa askotan parte hartu du:

1. 2018an, Borja Balpardak Gasteizko Udalaren ekintzailetza-lehiaketan parte hartu zuen, eta lehen postuan geratu zen.

2. 2018an, Ekintzalek diruz lagundu zuen proiektu hori, eta, ondoren, Arabako BICean sartu zen.

3. 2019an Explorer programa egin zen eta Olaia Gomezek Arabako emakume ekintzailearen saria jaso zuen.

4. 2019. urtearen amaieran, konpainiak lehen bi kontratazioak egin zituen, eta horietako baterako Lanbideren laguntza bat lortu zuen, proiektu estrategikoak garatzeko. Proiektu hori aldi berean babestu zuten SPRIk eta Gasteizko Udalak, eta lurraldean dauden prestakuntza-beharrak automatikoki hautemateko tresna bat garatu zen.

5. 2019. eta 2020. urteen artean, DVMk BIND 4.0 programan parte hartu zuen, eta Unilever eta OKIN enpresek hautatu zuten.

6. 2020an, bere CEOa, Borja Balparda, Nafarroako Unibertsitateko Datuen Zientzia eta Adimen Artifizialaren Institutuko (DATAI) kide bihurtu zen.

7. 2021ean, Nafarroako Unibertsitatearen azelerazio-programan parte hartu zuen (Atelier by Isem), eta Multiopticas-ek hautatu zuen.

8. 2022an, “Bind SME connection” programako finalista izan zen.

9. 2022an partzuergo bat eratu zuen Nasertic, Nafarroako Unibertsitatea eta CIMArekin, datu genomikoak partekatzeko sistema bat garatzeko.

DVMk euskaraz, gaztelaniaz edo ingelesez egiten du lan.