Erantzukizun mugatuko sozietate batean, pertsona bat edo gehiago biltzen dira merkataritza-legeriaren arabera, eta bazkide bihurtzen dira, jarduera ekonomiko bat gauzatzeko, etekin batzuk lortze aldera.

Honako hauek dira sozietate mugatuaren ezaugarri nagusiak:

• Berezko nortasun juridikoa du, osatzen duten bazkideez bestelakoa. 
• Sozietatearen ondarearekin erantzuten die dituen zor eta betebeharrei, ez bazkideenarekin..
• Egoitza soziala du. 
• Izen sozial baten bidez bereizten zaie (enpresaren izen ofiziala).
• Dagokion erregistroan inskribatuta egon behar du, eskritura publiko bidez.
• Sozietateen gaineko zergaren bidez ordaintzen dituzte zergak.
• Erabakiak gehiengoz hartzen dira. Bazkide bakoitzak egin duen ekarpen handiena edo txikiena kontuan hartuta eratzen dira gehiengo horiek.

• Aintzat hartu beharrekoak:

• Kotizazio-tasa finkoko fiskalitatea.
• Erantzukizun mugatua.
• Kontabilitate osoa.
• Bazkide-ituna ezartzeko aukera. Bazkideen Ituna edo Bazkideen Akordioa edozein enpresatako bazkideek sinatzen duten dokumentu pribatua da, dituzten ezaugarriak direla-eta sozietatearen estatutuetan jasotzen ez diren egoera jakin batzuk arautzeko.

 Helburua da gatazkak saihestea eta bazkideen artean eta/edo hirugarrenen aurrean sor daitezkeen arazoak eta liskarrak aurreikustea, eta horregatik da hain garrantzitsua itun horretan zer termino eta baldintza jasotzen diren ondo zehaztea.

• Familia-enpresen kasuan, interesgarria da, halaber, oinordetza-itunak kontuan hartzea bazkide baten parte-hartzearen xedeari buruz, kapitalaren zatiketa handia saihesteko, horrek arazoak sor baititzake eguneroko kudeaketan