PEGA Berria – Euskadiko Gastronomia eta Elikaduraren Plan Estrategikoa

PEGA Berriak Euskadi mundu mailako erreferente bihurtu nahi du gastronomiaren eta elikaduraren arloan, bertako kalitatea eta jasangarritasunagatik

  • Gastronomia eta Elikaduraren Plan Estrategiko berria diseinatzerakoan kontuan izan dira COVID-19 pandemiaren ondoren lehentasunetan egondako aldaketak, Next Generation programa, Basque Green Deal ekimena eta ekonomia zirkularraren aldeko apustu irmoa. 
  • 2021-2024 aldian PEGA Berrirako bideratutako aurrekontua 1.165 milioi euro baino gehiagokoa izan daiteke.

Ekonomiaren Garapen, Jasangarritasun eta Ingurumen Sailak jarri du abian PEGA Berria, Gastronomia eta Elikaduraren Plan Estrategiko berria. Eusko Jaurlaritzaren apustu estrategikoa izan zen 2017an hasitako PEGA haren jarraipena da, eta hura indartu nahi du.

PEGA Berriaren xedea da gastronomia eta elikadura sustatzea eta garatzea Euskadiko ekonomiarentzako sektore estrategiko gisa, gaitasuna baitu enplegua eta jarduera ekonomikoa sortzeko, kultura-ondare gastronomikoa eta natura- eta paisaia-baliabideak kontserbatzeko.

Euskadiko elikaduraren eta gastronomiaren balio-kateak rol estrategikoa jokatzen du Euskadiko ekonomian. Izan ere, trakzio-efektua du BPGan eta sortutako enpleguan duen pisuagatik; eta gero eta ekarpen handiagoa egiten du merkataritzako balantzan eta berrikuntzarako inbertsioan, jarduera ekonomiko globalean eragin biderkatzaile garrantzitsua duelako eta lurraldea eratzeko osagaietako bat delako.

PEGA Berria diseinatzeko, agertoki berriak izan dira kontuan, esaterako, COVID-19aren pandemiaren ondoren biztanleriaren lehentasunetan egondako aldaketak eta behar berriak, Next Generation programa gogoan izanda; Basque Green Deal ekimena Euskadiko mekanismo estrategiko gisa, krisialditik irten eta etorkizun jasangarriagoa lortzeko; ekonomia zirkularrerako eredu-aldaketa, eta nazioarteko beste zenbait akordio, hala nola Nazio Batuen Garapen Jasangarrirako Helburuak (GJH) edo Food 2030 Estrategia.

Elikadura osasuntsua, segurua, singularra eta jasangarria

Plan berria aurrera doa euskal gastronomiaren eta elikaduraren balio-katea lortzeko: osasuntsua, segurua, singularra eta jasangarria (gizarteari, kulturari, ekonomiari eta ingurumenari dagokionez). Horretarako, gastronomia eta elikagai-industria bultzatzeko politikak eta tresnak sustatzen ditu, batez ere kalitatezko bertako produktu osasuntsua bultzatzen duena, jasangarritasuna bultzatzen duena, kalitatezko balio turistikoko proposamen bat sortzen duena eta Basque Country marka nazioartean zabaltzen duena.

Euskadi munduko erreferente bihurtu nahi da gastronomiaren eta elikaduraren arloan, balio-kate osoan kalitateari eta jasangarritasun ekonomiko, sozial, kultural eta ingurumenekoari dagokienez dauzkan ezaugarriengatik.

PEGA Berriaren helburuak

PEGA Berria Nekazaritza, Arrantza eta Elikadura Politikako Sailburuordetzak kudeatuko du, bat egiten du 2020-2024 Gobernu Programaren helburuekin, eta Gastronomia eta Elikadura Planeko helburu kuantitatibo espezifiko hauek ditu:

  • % 25 handitzea elikaduraren eta gastronomiaren balio-katearen balio erantsi gordina (BGEd).
  • % 15 handitzea lehen sektorearen eta elikadura eta edarien industriaren BGEd-a.

PEGA Berrirako inbertsioa

PEGA Berrian 2021-2024 aldian elikaduraren eta zuraren katera bideratutako osoko inbertsioa 1.165 miloi euro baino gehiagokoa izan daiteke, eta osoko gastu publikoa 480 milioi euro baino gehiago izan daiteke; Next Generation programako jarduerak barne.

Ostegun ekintzaileak 2022

No lo dudes, enriquece tu proyecto.

Ez duzu bilatzen duzuna aurkitzen?

Kontaiguzu zure proiektua

BETE ORAIN

Bete galdetegia zure proiektua guri helarazteko eta aditu bat jarriko da zurekin harremanetan.