“Ardoa Mugagabe” programa

Xedea

Mahastizaintza eta ardogintzaren, sagardoaren eta garagardoaren sektoreetan merkataritza berrikuntza bultzatzea, batez ere teknologiaren, enpresa kudeaketaren eta merkataritza arloko egituraketaren bidez, banaka edo enpresen arteko lankidetzaren bitartez, partzuergoak sortuz, plataformak garatuz, etab.

Hartzaileak

Euskal Autonomia Erkidegoan ekoizpen guneak dituzten nekazariak edo nekazari elkarteak, nekazaritza kooperatibak edo nekazaritzako elikagaien enpresak.

Deskribapena

Onuradunak banaka edo talde baten bidez sartu ahal izango dira programan, Merkataritza Berrikuntzako Talde bat osatuz.

Programaren bitartez, besteak beste honako jarduera hauek lagunduko dira diruz: merkataritza berrikuntza; marketin digitala; merkataritza elektronikoa; zirkuitu laburretan merkaturatzea; salmenten dinamizazioa; eta berrikuntza salmenta fasean eta merkatuetan.
Kostu hauek lagundu ahal izango dira diruz:

• kanpoko langileen kostuak;
• materialen, ekipoen edo instalazioen kostuak, proiekturako erabiltzen diren neurrian eta tartean;
• proposatutako jardueren funtzionamendu kostuak;
• proiektua gauzatzean sortutako kudeaketa gastuak.

Laguntzetatik kanpo geratzen dira hauek:

• webgune berriak sortzea;
• bideragarritasun azterlanak, oro har;
• prestakuntza, teknologia berritzailea gaitzera bideratutakoa izan ezik.

Laguntzaren ehunekoa diruz lagun daitezkeen kostuen % 60 izango da, emakumeek sustatutako proiektuetan izan ezik, horietan % 66 izango baita. Diruz laguntzeko aurkeztutako gastu guztiengatik eman beharreko laguntzaren zenbatekoa gehienez ere 3.000 euro edo 5.000 eurokoa izango da onuradun bakoitzeko, programan banaka edo Merkataritza Berrikuntzako Talde baten bidez sartzen den kontuan hartuta, hurrenez hurren.

Laguntza mota

Dirulaguntza edo zuzeneko laguntza.