Sozietate kooperatiboak

Sozietate kooperatiboa, oro har, enpresa bat garatzen duen sozietatea da, eta enpresa horren lehentasunezko xedea da kideen jarduera ekonomiko eta sozialak sustatzea eta haien beharrak asetzea, haien parte-hartze aktiboarekin, kooperatibismoaren printzipioak beteta eta inguruko komunitatea aintzat hartuta.

Nekazaritzako eta elikagaigintzako kooperatibak nekazaritza-, basogintza-, abeltzaintza-ustiategien edo ustiategi mistoen titularrak elkartzen dituztenak dira. Haien helburua da, besteak beste, bazkideen ustiategiak, horien elementuak edo osagaiak, kooperatiba bera edo landa-inguruneko bizitza merkaturatzea, hornigaiak, produkzio-ekipamenduak eta zerbitzuak ematea edo edozein arlo edo alderdi ekonomiko-sozial hobetzeko eragiketak egitea, bai eta kooperatibaren beraren aldeko edo antzeko beste ustiategi batzuk egitea ere.

Honako hauek dira sozietate kooperatiboaren ezaugarri nagusiak:

• Errespetatu egiten dituzte printzipio kooperatiboak: borondatezko atxikipena eta atxikipen irekia; bazkideen aldetik kudeaketa demokratikoa; bazkideen parte-hartze ekonomikoa; autonomia eta independentzia; hezkuntza, prestakuntza eta informazioa; komunitatearekiko interesa.
• Balio hauetan oinarritzen dira; autolaguntza, autoerantzukizuna, demokrazia, berdintasuna, ekitatea, elkartasuna, zintzotasuna, gardentasuna eta bokazio soziala.

Aintzat hartu beharrekoak:

• Bazkide ez diren langileak kontratatzeko mugak.
• Hobariak sozietateen zergetan (besteak beste, OHZ eta Ondare-eskualdaketen eta egintza juridiko dokumentatuen gaineko zerga) eta tokiko zergetan.