Kalitatearen araubideak (Informazioa eta sustapena)

Xedea

Ekoizle taldeentzako laguntzak, barne merkatuan informazio ea sustapen jardueren ondoriozko gastuak ordaintzeko, kalitatearen araubideekin estalitako produktuei dagokienez.

Hartzaileak

Batzorde Profesionaletako, Kontseilu Arautzaileetako eta antzeko erakundeetako ekoizle taldeak, aukeratzen diren Kalitate Araubideen kudeaketa, kontrol eta ziurtagirien Erakundeetan ordezkatuta daudenak.

Deskribapena

Diruz lagundu ahal izango dira informazio eta sustapen kanpainak abian jartzearen ondoriozko kostuak, behar bezala justifikatuta; zehazki: a) kalitatearen ezaugarri bereizgarrien publizitatea egitea hainbat euskarritan, hala nola telebistan, prentsan, irratian…; b) komunikazio euskarriak prestatzea eta ekoiztea: liburuxkak, bideoak…; ; c) kalitatearen bereizgarrien harreman publiko eta komunikazioko ekintzak; d) herri dastaketak; e) gizartea sentsibilizatzeko ekintzak produktuen kalitatearen bereizgarriei buruz, f) banaketa handiko establezimenduetan salmentak komunikatzeko eta sustatzeko ekintzak; g) Euskal Autonomia Erkidegoko saltoki tradizionaletan ezagutza eta salmentak sustatzea; h) preskriptoreekin komunikatzeko eta sustatzeko ekintzak; i) estatuko merkatuetan euskal nekazaritzako kalitatezko elikagaiak sustatzen eta merkaturatzen laguntzea; j) azoketan egoteko eta negozio agendak antolatzeko laguntza; k) Ostalaritza, Sukaldaritza eta Catering kanaleko (HORECA) eta zirkuitu laburretako salmentak dinamizatzea; l) komunikazio eta sustapen ekintzak teknologia berrietako euskarrietan.

Diruz lagundu daitekeen ekintzaren gehieneko kostua 150.000 €-koa izango da. Sustapen jarduera orori diruz lagundu daitezkeen kostuen%20rekin lagunduko zaio gutxienez.

Laguntza mota

Zuzeneko dirulaguntza kostu subentzionagarrien ehuneko baten gainean.