Arabako nekazaritza-ustiategietan inbertsioak egiteko laguntza

Xedea

Nekazaritza-ustiategien egitura modernizatzeko eta produkzio-prozesuetan teknologia berriak sartzeko laguntzak, lehiakortasuna hobetzen, nekazaritza-ekoizpenen osasuna eta kalitatea bermatzen eta ekoizpen-sektorea gaztetzen laguntzeko, belaunaldien arteko erreleboa bultzatuz.

Hartzaileak

Arabako Lurralde Historikoan kokatutako nekazaritza-ustiategi baten titularrak diren pertsona fisikoak eta juridikoak (elkarteak).

Deskribapena

Inbertsioak helburu hauetarako bidera daitezke:

1. Ustiapenen ekoizpena merkatuaren beharrei egokitzeko bideratuta daudenak, uztaren
   ekoizpenen kalitatea eta biltegiratzea hobetzen laguntzen dutenak bereziki, produktuaren
   kalitatea hobetzeko.
2. Enpresa kudeaketa eta ustiapenen errentagarritasuna hobetzeko direnak, ekoizpen
   kostuak murrizten, gastu energetikoa murrizten eta ekoizpenak handitzen laguntzen
   dutenak bereziki.
3. Ustiapenen ekoizteko gaitasuna handitzeko bideratuta daudenak, ustiapenaren erabilera erraztu eta lanaren produktibitatea eta lurzoruaren kudeaketa hobetzen duten makina eta instalazioena bereziki.
4. Ingurumenaren jasangarritasuna hobetzeko direnak, ekoizpen ekologiko eta integratuko
   sistemak jasotzen dituzten bereziki, eta nekazaritza eta abeltzaintza ustiategietako
   hondakinen tratamenduan eta biltegiratzean hobekuntzak jasotzen dituztenak. Halaber,
   atmosferara egindako berotegi efektuko gasen igorpena murriztea eta ongarrien
   erabileraren eraginkortasuna hobetzea sustatuko da, lurzoruaren kudeaketan
   jasangarritasuna errazteko.
5. Animalien higienea eta ongizatea, elikagaien segurtasuna, ekoizpenen trazabilitatea eta
   laneko segurtasuna hobetzeko direnak, arlo horietan erkidegoan dauden arau berriak
   betetzeari erreparatzen diotenak bereziki.
6. Inbertsio berritzaileak, hala nola, bioenergia edota energia berriztagarriak ezartzea,
   ustiapenetan kostu energetikoak murrizteko, eta Informazioaren eta Komunikazioen
   Teknologien (IKT) erabilera.
7. Natura hondamendiek, epizootiek, landareen gaixotasun larriek kaltetutako edo
   ezbeharren ondorioz hondatutako ekoizpen baliabideak berritzeko egindako inbertsioak.
8. Ureztatzeko instalazioekin lotutako inbertsioak

Laguntza mota

Lehiaketa bidezkoa